“ციფრული მხარდაჭერის პროგრამის” ფარგლებში, შეხვედრა გაიმართა

• კომუნიკაციების კომისიამ, „ციფრული მხარდაჭერის პროგრამის“ ფარგლებში, სენაკის მუნიციპალიტეტის მერიის სხდომათა დარბაზში, საინფორმაციო შეხვედრა გამართა.

სენაკის მუნიციპალიტეტის მერიის ინფორმაციით, პროგრამის ფარგლებში, სენაკის სამიზნე სოფლების მაცხოვრებლებს შეეძლებათ სრულიად უფასოდ გადამზადნენ ციფრულ წიგნიერებასა და ინტერნეტის უსაფრთხოდ გამოყენებაში და გაეცნონ ისეთ მნიშვნელოვან საკითხებს, როგორებიცაა, ინტერნეტში სასურველი ინფორმაციის მოძიება, გუგლის აპლიკაციებით სარგებლობა, სოციალური პლატფორმების მიზნობრივად გამოყენება და სხვა.

უწყების ცნობით, პროგრამის სამიზნე სოფლებია: ბეთლემი, ისულა, ლებაღათურე, ლეძაძამე, ლეგოგიე-ნასაჯუ, მოხაში, ფოცხო, საოდიშარიო, სატყებუჩავო, შრომისკარი, შუა ხორში, ციზეთი, უშაფათი და ზანა.