რეგიონული თეატრების მეათე საერთაშორისო ფესტივალი დასრულდა

• რეგიონული თეატრების მეათე საერთაშორისო ფესტივალის სენაკური დღეები, აკაკი ხორავას სახელობის პროფესიული სახელმწიფო დრამატული თეატრის დასის სპექტაკლით – “ჩიპოლინოს თავგადასავალი”, დასრულდა.

სენაკის მუნიციპალიტეტის მერიის ინფორმაციით, ფესტივალმა, სენაკში, ორი დღის მანძილზე, ქუთაისის ლადო მესხიშვილის სახელობის, გორის გიორგი ერისთავის სახელობის, სენაკის აკაკი ხორავას სახელობის პროფესიული სახელმწიფო დრამატული თეატრების, დამოუკიდებელი თეატრალური კომპანია ,,გიენოსის” დასებს უმასპინძლა.

რეგიონული თეატრების საერთაშორისო ფესტივალი, რომელიც ტრადიციულად, საქართველოს კულტურის და სპორტის სამინისტროს, სენაკის მუნიციპალიტეტისა და ფოთის მერიების მხარდაჭერით იმართება, 1 აგვისტოს, ფოთში დაიხურება.