სენაკი მუსიკალურ ფესტივალს მეათედ უმასპინძლებს

• 15-დან 25 მაისის ჩათვლით, სენაკი მუსიკალურ ფესტივალს მეათედ უმასპინძლებს.

სენაკის მუნიციპალიტეტის მერიის ინფორმაციით, საიუბილეო თარიღს, “სენაკი არტ-ფესტივალი” სიახლეებით, საერთაშორისო მასშტაბის ხელოვანების შემოქმედებითი საღამოებით, ნიჭიერი ახალგაზრდა შემსრულებლების წარმოჩენით აღნიშნავს.

სენაკის მუსიკალური ფესტივალი, რომლის დამაარსებელი და სამხატვრო ხელმძღვანელია მსოფლიოში აღიარებული პიანისტი, პიანისტთა საერთაშორისო კონკურსების მრავალგზის ლაურეატი, ხელოვნების აკადემიის რექტორი, სენაკის საპატიო მოქალაქე, ვალერიან შიუკაშვილი, სრულიად საქართველოს კათოლიკოს-პატრიარქის, ილია II-ის პატრონაჟითა და სენაკის მუნიციპალიტეტის მერიის მხარდაჭერით იმართება.